Shillong, Lber 26: Mynta ka sngi 26/Lber/2026 ka Seng Hynniewtrep Youth Council kala sam ia ki kot lyngkdop sha ki paidbah ba iaid ba ieng bad kumjuh ha ki kali ha khyndailad ban pynsngewthuh paidbah halor ka jingdawa ka seng ban shna ia ka Khyndailad shlem Deiriti.
Kane ka shlem Deiriti kaba ka seng kala dawa ka long ban don ka rynsan ban iatem iaput ka shad tynrai ki kaitor, duhalia Khasi,Jaintia bad Garo bad kumjuh ki mar shna kti tynrai, ki bam tynrai ban phalang ka kyrteng Khyndailad.
Katkum ka kot lyngkdop kaba ka seng kala sam sha ki paidbah kala kren shai ba ka Khyndailad ka dei ka khana jong ka mynnor ka nongbah Shillong bad ka dei ka shab ka snap bynriew khasi hynrei mynta ka Khyndailad kala duh noh ia ka snap tynrai.
Haba ia dei bad ka jingpynitynnad ia ka Khyndailad ka sorkar ka dei ban pynskhem ia ka kaiphot teinam, shwa ia ka khyndew ha Khyndailad ia syllok bad ki trai ri trai muluk ban sngewthuh ia ka thymmei kane ka jaka ia kane ka kot lyngkdop kaba la sam paidbah la thoh ha ka ktien Khasi bad phareng.
