Shillong, Naiwieng 05: Ka seng samla pule ka shnat KSU ha NEHU mynta ka miet kila sdang ia ka jingiakhih da kaba shah thngan kaba khlem buh por ha phyllaw ka ophis jong u Vice Chancellor katei ka skulbah.
U samla Meban Kharmawlong nongai ktien ka seng KSU na NEHU ha kaba u la phah ia ka kyrwoh kaba u la ong ba ia kane jingiakhih ban shah thang la pynlong da ka jingiatreilang bad seng NEHUSU la pynlong ia kane ka jingiakhih ka dei na ka jingkuman jong u VC.
Na ka liang jong ka seng samla pule KSU kala ong ba kane ka jingiakhih ban shong shah thngan kan long haduh ba kin da ioh ia ka jingdawa kaba ka seng kala buh ha khmat u VC bad ka NEHUSU.
Ha ka juh ka por ki nongtrei jong ka NEHU kila sdang ia ka jingiakhih ka jong ki kaba khlem buh por ban dawa na u VC ba dei ban thung ia ki nongtrei bad ha ka juh ka por ban pynioh ia ka jingdawa ka jong kaba la buh la slem mynta.
Haba ia dei bad kine ki jingkiba la jia hapoh ka skul bah na ka liang jong u VC la shai ka sngi la pyntip ban kren ha ki lat pathai khubor ban pynshai ia kaei kaba u don kane ka long katkum ka jingpyntip na ophis jong u VC ka NEHU.
