Shillong, Nailar 07: Ka National Institute of Fashion Technology (NIFT), Shillong, ka la sdang ia ka jingrakhe ia ka Handloom Week jong ka mynta ka sngi da ka jingiakren u riewshemphanguba ai jingmut bad ai mynsiem u Dr.Rajani Kant, uba la tip paidbah kum u GI Man of India.
Kane ka jingïalang ka dei ka sngi ba nyngkong jong ka jingrakhe kaba shi taiew kaba la aiti sha ka pateng ba riewspah jong ka India ha ka kam shna jain bad ki briew kiba pynnehpynsahïa ka.
U Dr.Rajani Kant, ka nongïohïa ka khusnam Padma Shri bad General Secretary jong ka Human Welfare Association, Varanasi, u la ai jingkren sha ki samla pule bad ki nonghikai halor ka phang “Geographical Indications: From Local Craft to Global Identity.”
Da kaba trei palat lai phew snem ha ki jaka nongkyndong bad ki nongtrei kti, ki nongthaiñjain, bad ki briew kiba shem jingehha kylleng ka ri India, u Dr. Kant u la wanrah ïa ka jingshemphang kaba kordor bha halor kumno ban iada, kyntiew bad pyniaid iew sha kylleng ka pyrthei ia ki jingtip tynrai bad ki kam shna jingshna lyngba ka rukom treikam jong ka GI.
Ha ka jingai jingkren ba kongsan jong u, u Dr. Kant u la ïathuhïa ka jingïaid lynti kaba ai mynsiem jong u naduh ki sngi ba nyngkong jong u ha Mirzapur, Uttar Pradesh, haduh ban da long ka sur kylleng ka pyrthei na ka bynta ka Intellectual Property Rightsbad ka jingpynkupbor ïa ki nongtrei kti.
Hapoh ka jingïalam jong u, palat 650 tylli ki aplikeshon GI la aiti ha kylleng ki 26 tylli ki jylla bad ki union territory, ha kaba 635 tylli ki mar ki la ioh ia ki GI tag haduh mynta.
Tang ha ka thain shateilammihngi, 36 tylli ki mar ki la ioh ia ka kyrdan GI, ba kynthup san tylli na Meghalaya, u mawmer ba kongsan na ka bynta ka deiriti jong ka thain bad ka jingkhyllie im ia ka ioh ka kot.
Haba pynpaw ïa ka jingïakynduh jong ka pateng, ka jingsaindur thymmai, bad ki lad kamaikajih ba iaineh, u Dr. Kant u la ban jur ïa ka bor jong ka Geographical Indication ha kaba pynkupbor ïa ki shnong ki thaw, khamtam ïa ki kynthei bad ki samla, bad ban pynneh pynsah ïa ka jingstad tynrai ha ka pyrthei kaba la nang kiew stet, kaba ïahap bad ka “Mann ki Baat” jong u Myntri Rangbahduh, Narendra Modi. U la pynshlur ia ka NIFT Shillong ban shim ia ki lad ki lynti kiba don ha ka thain na ka bynta ban iada bad kyntiew ia ka pateng kaba dei.
Ka kam jong u Dr. Kant ka la ktah ïa palat 2 million ngut ki briew, da ki sienjam kiba kynthup ïa ka jingpynkupbor ïa ki kynthei ha ka liang ka ioh ka kot, ka pule puthi ïa ki khynnah, ka jingkyntiew ïa ki sap, bad ka jingpynnehpynsahïa ka mariang.
Ki sienjam jong u ban pyniasoh ia ki mar ha ka thain bad ki iew kylleng ka pyrthei lyngba ka jingithuh GI ka la pynlong ia u ban ioh shibun ki khusnam ha ka ri bad kylleng ka pyrthei, kynthup ia ka khusnam National Intellectual Property Award 2017, Lokmat Samman 2018, bad ka jingiashim bynta ha ki jingialang ba ha khlieh duh ba la pynlong da ka WIPO, UNESCO, bad ka Sorkar India.
U Director ka NIFT Shillong, Shankar Kumar Jha u la ong, “Ka jingaiti jong u Dr. Kant ha ka roi ka par ki jaka nongkyndong bad ka jingieit jong u ïa ki kam shna jingshna tynrai ka ai ïa ka jingïohijngai kaba khlaiñ na ka bynta ki samla pule jong ngi. Ka jingdon jong u mynta ka sngi ka la kyntiew ia ka Handloom Week kaba don jingmut bad kaba seisoh.
Ka Handloom Week ha NIFT Shillong kan dang bteng haduh ka 13 tarik Nailar 2025, ha kaba ki don ki jingpyni live, ki exhibition, ki jingiakren ha ki kynhun, bad ki sienjam ba ialam da ki samla pule ban pyni, ban rakhe, bad ban saindur thymmai ia ka jingshna jain jong ka India.
