Shillong, Jymmang 6: Ka HYC Shillong city mynta ka Sngi ha ka jingialam u President Bah John Lyngdoh ka la ujor sha ka Deputy Commissioner ka East Khasi Hills shaphang ka jingkyntur pud jong ki Khar Shipai shajan ka surok PWD kaba ki dang sdang tei shait shait mynta ia ki kynroh, shajan ka surok petrol pump Anjalee.
U Bah John Lyngdoh u pynpaw ka jingbitar ia kane ka jingleh jong kitei ki shipai, khamtam ka jingshim kabu ha kum kine ki por khangdam. U ong lada ailad, bad ka sorkar ruh kan shu long tang ka nongpeitkai ne peit matlah ia kum kine ki kam ba beain jong kine ki shipai lehse hadien san lane sphphew snem kin sa buh sa ka khyrdop kaba heh ha shwa ban rung ha iew Mawlong, kumba ka la jia ha Mawshbuit.
Ka seng HYC ka dawa ia ka DC ba kan Leh ei ei ban tohkit ne pynsangeh mardor ia kane ka kam shwa ba ka HYC kan shim ia ki ain ha la ka jong ka kti. Ha ka jingiakren lyngba ka phone ka DC Kong Isawanda Laloo ka la kular ban shimkhia bad ban leh ei ei, ia katei ka jingtam pud jong kitei ki Khar shipai. La ong u bah S Marwein nongpyniar sekretari ka seng HYC Shillong City ha ka kyrwoh kaba la phah mynta ka sngi.
