Shillong, Rymphang 15: Ka dam um Kupli ka dei ka khappud ha pdeng ka jylla Meghalaya bad ka jylla Assam kala sdang paw mynta ha ki kam jngohkai pyrthei ha kaba ki briew na kylleng kila sdang ban poisha kane ka jylla ban leit kai pyngngat khamtam ban ioh ban shong lieng.
Sha shiliang jong pung ka hap ha ka District Dima Hasao ka jylla Assam bad sha Shilliang ka hap ha West Jaintia Hills District, bad ki shnong kiba don ha ruh jong kane ka pung, kiba la sdang ban buh ia ki jaka jngohkai ka dei ka Saphai, Iawthymmei bad ka Iooksi.
Haba iakren bad ki trai shnong ki iathuh ba kane ka jaka ka dang sdang ban khring ia ki nongwan jngohkai pyrthei mynta tang kumba shisnem tam ei ei, ha kaba ki paidbah kila wan kai na kylleng sha kane ka jaka khamtam ha ki ki por shuti jong ki khynnah skul.
Kaba khring eh ia ki paidbah na kylleng ka long ban ioh shonglieng, ki don kilieng kiba pyndait da ki kor ban pynsted ia ka jingleit bad ki ki lieng kynda kaba kieng da ki maji bad kiba bun ki leit sha ka dewlyngnong kaba ki khot ka Mini Thailan namar ka um ha kane ka jaka ka long blue.
Kaba da dang biang ka jaka sah ia ki nongleit kai sha katei ka jaka ban kin sah mie ka dang don tang ka Orchid Resort kaba hap ha shnong Iooksi, ha kane ka jaka ka don ka Jaka bam ruh katba kiwei ki jaka ki dang ialeh ban pynbha namar ka dei jongki riew shimet.
