Shillong, Nailar 02: Ki pulit ka nongbah Shillong kila ioh ia ka jingujor na u wei u rangbah na kane ka nongbah Shillong ha ka 28/7/2025 bala ioh ia ka phone lyngba ka WhatsApp kaba tyrwan ban trei kam online.
U nongphone u la bthah ban thep pisa shipew lak tyngka lyngba ka website ‘https:// www.mynbccportal.com’, u tei rangbah ruh la mynjur bad ha dien u nongujor u shem ba u la shah shet shukor ha u tei u nongphone.
Ha kawei pat ka jingjia u wei u rangbah na East Khasi Hills district la ujor sha ki pulit ba ha ka 27/7/2025 por kumba 11.50 baje mynmiet la ioh ia ka phone na briew bymtip bad ha kane ka jingphone la byrngem ia ka iing ka sem ka jong u.
Ki pulit kila ioh ia ka jingujor na u bah Rainbow Kharpran bad ar ngut kiwei pat na ka shnong Nohron ka East Khasi Hills District ba ka 24/7/2025 ki briew kiba ym lah ban tip kila leit ban pom pathar ia ki tympew ha briew jong ki.
