Shillong, Nohprah 04: U Dr. Mukul Sangma nongialam ka liang pyrshah u la iathuh ba mynta ka sngi kala don ka jingialang jong ka “State Security Commission” la ong ba ha kane ka jingialang kila mir jingmut katto katne ki phang kiba don kam bad ka kongsan ka long ban pynbha ia ka jingtreikam jong ki pulit.
Kumba la pynkup bor da ki bor jong ka ain ha kito ki bor kiba don bynta ba kan don ka jingpynbha ia ka jingtrei kam jong ki pulit, ban pynneh pynsah ia ka jingshong suk shongsain bad ban khanglad ia ki kam sniew shuw ba kin kiew skong ki kam sniew.
Ha kane ka jingialang la ia kren ruh ba kumno ka tnad pulit kan pyndon kam ia ki jingdon jong ka ban pyntrei kam ka ban poi sha ka thong katkum ka ain namar ka Meghalaya Police Act 2010 ka dei ka ain kaba la kren shai kdar ia ka jingtreikam.
Kumta kumno ban pynbha ia ka jingleh treikam jong ki pulit, da kaba buh ruh ha khmat ia ki jingeh kiba don bad ban pynthikna ban ialeh pyrshah ia ki bad bun sien ka don ruh ka jingshah khring kum ha ki seng ne ki bor na ki seng sain pyrthei bad kumno ba iada.
Haba shim na ki jingjia kiba la dep kala don ka jingshim kabu da ka jingiajan bad ki pulit bad kane ka ktah ia ka jingtrei kam, naduh Director General ki Pulit, ki Superintend ki Pulit ba kin but ia ka ain bad ba kin nym shah pyngop ha kiwei kiwei ki bor ba nabar.
Ha ka ne ka jingialang la ia kren ruh ia ka jingduna ka jingdon ki pulit ha ki police station, kumba ka long mynta ki police station kin don ia ki briew ban trei kumba la mang bad kane ka buh ia ka jingeh ha ka jingtrei kam bad kane kan buh ha ka jingma.
