Shillong, Nohprah 31: Sa tang ar kynta u snem 2025 un sa khylliap noh bad ynsa ioh ban pdiang burom ia u snem thymmai 2026, mynta ka sngi ka 31 Tarik Nohprah 2025 ka tnad pulti ba dei peit ia ka jingpyniaid ia ki kali ha kane ka nongbah Shilong kila khang ia ki kali ban rung na them Bijoy sha Khyndaid lad bad na ophis jong ka Deputy Commissioner ban ban rung sha khyndailad.
Ia ki kali la shah tanga ban kin rung na Keating Road ban poi sha Khyndailad bad ynda poi ha khyndailad la shah tang ban phai sha ki thain Motphran bad ban rung sha Quinton Road bad mih sha jail Road, la leh ia kane ba ki nongleit kai snem thymmai ha khyndailad kan nym don kano kano ka jingthud.
Ki paidbah na kylleng kane ka nongbah Shillong kila poi sha Khyndialad ban iaid kai ha kane ka snem thymmai ha kaba kiba bun kila ia pynpaw ia ka jingkmen jong ki ban pdiangburom ia u snem thymmai ha kaba baroh ki jaidbynriew kila ia donlang ha katei ka jaka.
Mynta u snem kan nym shym don kata ka jngpynkhreh ban don katta ka pud ka tem ba kyrpang ha katei ka jaka hynrei kala don ka jingtem ha kaba ki paidbah kila ia shad sngewbha ban pynkhreh ban pdiang burom ia u snem thymmai.
Ki jingtem ia ki jingrwai ki kynthup ia ki jingrwai, Hindi, jingrwai phareng bad ki jingrwai khasi ha kaba baroh ki jaid byrniew da ka jingkmen kila ia shad lang kum kawei ka kynhun ban pdiangburom ia u snem thymmai.
