Shillong, Kyllalyngkot 07: Ka seng Meghalaya Asha Workers Union kala shim ia ka rai ba kin shongthait na ka jingtrei kam naduh la shai ka daw ka long ba ki khlem ioh ia ki jingsiew na ka sorkar ha kaba ia dei bad ka jingtrei ka kam jong ki la bun bun bnai.
Ka kong Sony Kharjana ka nongaibuid ka seng Asha haba kren ha ki lat pathai khubor mynta ka sngi ka 7 tarik Kyllalyngkot 2026 ha Shillong Press Club kala pynbna ba ki nongtrei Asha kiba don ha ka lama jong ka Meghalaya Asha Workers Union kin shongthait treikam naduh la shai ka sngi.
La ong ba kane ka jingshongthait ban trei kam kan long haduh ban da ioh ia ka jingthoh na ka sorkar namar kila dep ban ai ia ki jingthoh sha ka sorkar jylla, hooid don kiba sah kut mynshuwa kila ioh ia ka jingsiew kala ai khublei ia ka Director hynrei ka jingsah kut ia baroh solansar ka dang bun.
Kane ka jingshong thait ban trei kam kan long haduh ban da ioh ia ka jingiakren bad ha dien ba kila ioh ban ia kren kin sa shim ia kawei pat ka rai ha dien ka jingiakren lada donkam ban dang ia kren ia mynta kin iaid beit sha khmat.
La iathuh ba ka jingdon jong ki Asha ha ka jylla ki don palat ia ka 7000 ngut bad ia ka jingsiew ia ka jingtreikam jong ki Asha ka dei na ka sorkar pdeng, dei hangne kim tip la ka dei na ka sorkar jylla ne na ka sorkar pdeng ia ka jingslem ban siew bad ki ong ba ki dang ia pynbeit ia kane ka kam.
Ki Asha kim sngewlah shah shuh namar ka jingioh kaba dei ka bhah na ka ka sorkar jylla ka long kaba rit kim lah ban kyrshan ia ka iing ka sem namar mynta la bun bnai ki khlem ioh ia ka bhah jong ka sorkar pdeng.
