Shillong, Lber 16: Mynta ka sngi u Chief Executive Member jong ka Garo Hills Autonomous District Council (GHADC) u Albinus R Marak u la phah ia ka shithi resign ka jong u sha u shongknor shuwa ban sdang ka jingiashong dorbar.
Ha ka shithi kaba la phah sha shongknor ka iing dorbar ka GHADC u la thoh ba u la ioh jingtip ba 21 ngut ki MDC kin don jingshaniah shuh ha u kumu CEM kumta u shim ia kane ka rai ban hiar shuki noh khlem da shah pynhap hapoh ka iing dorbar.
Ha ka shithi resign u la thoh ba ha kine ki sngi u la Shimbun ki lat ki lynti kumno ban pynbha ia ka GHADC hynrei namar ki dkhot ka iing dorbar kim don shuh kata ka jingshaniah ha u kumta u shim ia kane ka rai ban hir shuki noh na ka kam CEM.
U CEM barim haba kren ha u SP News Agency u la ong ba ka dei ka jingshisha ba u la resign na ka kam CEM jong ka GHADC bad la phah ia ka shithi hiar shukisha u Shongknor mynta ka sngi.
Mynta ka sngi u Lat ka jylla u la khot ia ka dorbar ba kyrpang ka GHADC ha ka por 11.00 baje mynstep, shuwa ban poi katei ka por u CEM u la shim ia kane ka rai ban hiar shuki noh na ka kam CEM jong ka GHADC.
