Shillong, Naiwieng 03: Mynta ka sngi ka sorkar Meghalaya kala ia soi ia ka soskular bad ka APEDA bad ka Lulu Group naka bynta ban pyniai iew ia u sohtrun na kane ka jylla Meghalaya sha bar jong ka Ri India, ia kane ka jingsoi soskular la sakhi lang da ka myntri ka tnad rep ka sorkar Meghalaya.
Ka sorkar Meghalaya kala shim bun ki lat ki lynti kumno ban pynia ithuh ia ki nongrep nakane ka jylla bad ki briew sha bar jong ka Ri India ban pyniaid iew ia ki marrep bad ban pynkylla ia ki sha ki jingbam ki kham bha.
Ka sorkar Meghalaya da ka jingiatrei lang bad ka APEDA kaba dei ka kynhun jong ka sorkar pdeng deipeit ia ki kam ram bad ka Lulu Group ha kine ki snem ban pyniaid iew ia ki mar ba pynmih ki nongrep sha ki iew jong ka pyrthei.
Ha kane ka bynta ka sorkar kala lah ban pyniaid iew kum ia u Sohniamtra Khasi, Sohtrun sha ki ri Arab bad myntqa la lah ruh ban pyniaid iew ia u Shynrai Lakadong bad u Syieng sha ki iew jong ki ri Europe.
Ha ka jingialeh ban kyntiew ia ki nongrep mynta ka sngi ka Agriculture Marketing Board ka sorkar Meghalaya kala ia soi ia ka Soskular ia sngewthuh jingmut bad ka kynhun Lulu Group hapoh ka jingpeit ka APEDA kaba dei jong ka tnad rep ka sorkar pdeng ban pyniaid iew ia ki marrep sha ki ri GCC.
