New Delhi, Nohprah 14: Ha ka jingpyni ia ka jingkyrshan ki paidbah, ka Vikasit Bharat SankalpYatra ka la kot sha u mawmer ba kyrpang, da ka jingtam 2 klur ki nongiashim bynta tang ha ka shi bnai duna. Kane ka jingkiew kynsan ka pyni ia ka jingktah ka Yatra bad ka jinglah ban iatylli lang ki million ngut ha kawei ka thong jong ka roi ka par.
Ka jingkiew ka bor jong ka Yatra lah ban iohina ka jingkot shi klur ha ki 22 sngi bad sa shi klur tang ha ki 7 sngi. Kat nang mih ki sngi, ka Yatra ka la nang iar bad bteng ban khringia ki paidbah, bad ka dang bteng ia ka jingseisoh jong ka.
Ka Yatra ka la poi jan 60,000 tylli ki Gram Panchayat, kaba plie lad ia ka roi ka par bad ka jingkiew shaphrang ha baroh ki bynta jong ka ri. Hapoh ka por ba lyngkot, ka Yatra ka la long kaba seisoh ha kaba palat 1.6 klur ki nongshong shnong ki la shim ia ka Sankalpban trei na ka bynta ka Vikasit Bharat hashuwa u snem 2047.
Kum shi bynta ka sienjam jong ka “MeriKahani, MeriZubani” jong ka Yatra, palat 1.30 klur ngut ki briew ki la iathuhia la ki jingshem shimet jong ki, da kaba pyni ia ki jngshem jong ki briew bad ki jingangnud jong ki na kylleng ka ri.
Ka bha ka miat jong ki nongshong shnong kaba long ka phangpdeng jong ka yatra, la pynlong ia ki health camp ha kylleng ka ri bad haduh mynta, ladepeksamin palat 42 lak ngut ki briew.
Ka Yatra ka dei kaba la pdiang ha baroh ki thain, bad ka dei ka lad na ka bynta ka jingpynpoi ia ki jingshakri jong ka sorkar bad jingkyrshan, da kaba poi wat sha ki jaka kyndongkynshrot.
Ha ka liang ka jingiashim bynta, ka Uttar Pradesh ka la long kaba lamkhmat da ka jingdon jan 80 lak ngut ki nongiashim bynta, bud sa ka Maharashtra palat 29 lak ngut ki nongiashim bynta, bad ka Gujarat palat 23 lak ngut ki nongiashim bynta.
Ka Jammu & Kashmirka wan hadien kane ha kaba la don ka jingai jingmut napalat 16 lak ngut ki nongiashim bynta haduh mynta. Ka Andhra Pradesh ka don ha ka kyrdan ba kongsan da ka jingdon palat 11 lak ngut ki nongiashim bynta.
Ka Viksit Bharat SankalpYatrakadei ka sienjam ha kylleng ka ri kaba thmu ban kot 100% ka jingpynpoi pura ia ki sienjam ba kongsan jong ka sorkar, da ka jingpynthikna ba ki jingmyntoi ki poi sha baroh kiba dei hok ban ioh.
Ki mawmer ba la lah ban kot ha kane ka yatrakilong kiba kongsan: palat 29,000 tylli ki Gram Panchayat ki la ioh ia ka jingpynpoi pura ia ki kam, lyngba ka jingpynpoi pura 100% ki Ayushman Card; palat 18,000 tylli ki Gram Panchayat ki la kot 100% ka jingpynpoi pura ia ka skhim ‘Hargharjal.
Palat 34,000 tylli ki Gram Panchayat ki la lah ban pynkylla digital pura ia ki kot ki sla kiba iadei bad ki jaka; bad ha ka jingkyrshan ia ka sienjam Swachh Bharat, palat 9,000 tylli ki Gram Panchayat ki la lah ban pynbiang ia ki jingdonkam na ka bynta ka jingpynurlong ia ka ODF Plus model.
Ha ka jingiaid sha ka jingwanrahjingkylla, ka Vikasit Bharat SankalpYatra, kaba la pliepaidbah da u Myntri Rangbah duh u Narendra Modi ha ka 15 tarik naKhunti, Jharkhand, ka kyntiew ia ki jingiasoh ba kham jan bad ki nongshong shnong ha kylleng ka ri.
Kane ka sienjam ka thmu ban pyndap ia ka jaka ba suda hapdeng ka sorkar bad ki briew, da ka jingpynkupbor ia ki briew bad buh ia ka nongrim kaba kynthup lang ia baroh bad ka Vikasit Bharat.
