Shillong, Jylliew 06: Naduh ba ka sorkar kala don ka jingthmu ban khot ia ki kompnei shimet ban ia treilang ha ka karkhana dewbilat ka Meghalaya Cherra Cement Limited (MCCL) ka dang khot tang shisien ia kitei ki hima kiba don bynta lang ha katei ka karkhana shna pynmih dewbilat.
Katkum ki thymmei khubor kiba laioh la sngewthuh ba ka sorkar kam pat khot pat ia kine ki ar tylli ki hima ban ia kren ia pynbeit la yn dang beteng ia kane karkhana dewbilat ne ban pyndam noh syndon ia ka namar ka sorkar kam lah shuh ban pyniaid ia ka marwei.
Dang shen ki nongtrei ka MCCL kila leit ban ia kynduh ia u myntri rangbah ka jylla u Conrad Sangma ban pynkynmaw ia ki jingdawa kaba ia dei bad ka tulop ka jong na ka liang jong u myntri rangbah u la kren ia ba don kam ban ia kren lang bad baroh kiba don bynta ha kane ka karkhna.
Kiba don mynta ha kane ka karkhana ka long ka Sorkar, ka hima Sohra kaba ka karkhan ka ieng bad ka hima Mawmluh kaba ki tih ia u Mawshun ban pynpoi ha kane ka karkhana ban shna dewbilat, haduh mynta la saw snem tam ei ei naduh bala khang ia kane ka karkhana ka sorkar tang shisien ka dang khot ia kren.
Ki thymmei khubor ki iathuh ba lada ka sorkar ka hap ban ia treilang bad ki karkhana shimet ban pynbiang ia ka ne ka karkhana dewbilat don kam ban ioh ia ka jingmynjur jong kitei ki ar tylli ki hima kaba u Mawshun u don bad ka karkhana ka ieng.
