Shillong, Naitung 03: Mynta ka sngi lain gut ki kyrtong kiba kwah ban ia khun ia ka elekshon shiteng samoi na ka 35-Ranikor Konstitwensi kila thep kyrteng, ki long u Martin M Danggo MLA barim, u Jackiush A Sangma bad u Bah Pynshngianlang Syiem MLA barim jong ka Mawsynram.
U Martin M Danggo ha kane ka kynti kaba mynta u la thep kyrteng kum u kyrtong jong ka NPP ban ia khun ia kane ka MLA Elekshon shitengsamoi na ka 35- Ranikor u ba la jop shisien na ka seng PDM, saw sien lynter ha kine ki snem kiba la leit noh na ka seng Congress bad mynta na ka seng NPP.
U Jackiush A Sangma kyrtong jong ka seng Congress, kane kan long ka sien kaba nyngkong ia u ban ia khun ia ka MLA Elekshon na ka 35-Ranikor ba du Bah Pynshngianlang Syiem u dei u MLA barim bad MDC jong ka Mawsynram Konstitwensi u ba la rai ban leit ia khun na ka 35-Ranikor ha kane ka kynti kaba mynta.
Haba ia dei bad u bah Pius Marwein u kyrtong ka UDP u ba la shah rem ha u Martin M Danggo ha ka general election kaba la long ha u bnai Rymphang mynta u snem la sngewthuh ba un thep ia ka nomination jong u la shai ka sngi.
