Shillong, Naitung 06: Ka seng All Khasi Hills A.Chik Federation (AKHAF) kala phah da ka jingthoh sha ka “Expert Committee” ban kyntu ia ka committee ban pynneh pynsah ia ka jingbhah kam ha kane ka jylla Meghalaya kumba ka long.
Kata ka long 40% ia ki khasi-Jaintia, 40% Garo, 5% ia kwei ki riewlum kaba tam ia kiwei kiwei, kumba la pyntrei kam naduh ka 12/Kyllalyngkot/19712. Ka jingthung ka sorkar ia kane ka committee kaba kyrpang ka long ban peit bniah ia kane ka jingbhah kam ha ka jylla.
Ka seng AKHAF kala pynpaw ba lada ka kommittee ka sngew ban pynkylla ia kane ka polisi thung kam ha ka jylla, ka dei ban shim na ka bhah bala mang kyllum ia baroh kata 20%, ka seng kala ai jingmut ba shim noh% kata ban pynkiew ia ka bhah jong ki Khasi-Jaintia sha ka 48% bad ka sah 12% dei ban mang ia ki ba bun balang.
Kane ka jingkwah jong ki ban kyntiew sha ka 48% ia ki Khasi-Jaintia dei ban kynthuplang ruh ia ki paid Garo kiba shah sha ki bynta jong ka Khasi Hills namar ki Garo kiba sah ha Khasi Hills ki long kiba dang sah dien palat. Ia kane ka shithi kaba la phah sha ka Expert Committee la soi da u President u Clivestar Ch Marak, Secretary Manuel Ch Marak jong ka seng AKHF.
