Shillong, Lber 16: Mynta ka sngi u Excutive Director ba dei peit ia ka jingdie ia ka bording elektrik hapoh ka NEEPCO u NK Mao u la thoh sha u Executive Director ka North Eastern Regional Load Dispatch Centre ban nym ai bording sha MePDCL lada kam siew ia ka bai light T. 156.70 klur ka ba dei haduh ka 15/03/2021 shuwa ka sngi Saitjain kata ha ka 20/03/2021.
Ha ka shithi kana la phah mynta ka sngi sha u Executive Director ka NERLDC na ka liang ka NEEPCO kala thoh bun sien sha ka MePDCL ban siew ia ka bai light hynrei kam shym siew ia ka bai light, kat kum ka jingkhein baroh long tang ka bai light ka long T. 156.70 klur, khein ia kaba siew slem ka long T. 347.71 klur baroh kala poi T. 504.41 klur haduh ka 15/03/2021.
Haba ia dei bad kane na ka liang jong ka NEEPCO kam don lat shuh da kumwei, kumta ka hap ban pyntrei kam ia ka ain jong Central Electricity Regulatory Commission ban nym aisa bording sha ka MePDCLMePDCL la kam siew ia ka bai ding shuwa ka 20/03/2021.
Ka NEEPCO katkum ka jingkhein ka die ia ka bor ding elemtrik sha MePDCL 147.53 MW, lada ka MePDCL kam siew ia ka bai ding ha ka 20/03/2021 hap ban pynsangeh ai ka jingai bording sha ka MePDCL. Ong u NK Mao Executive Director ba dei peit ia ka jingdie bor ding ka NEEPCO ha ka shithi.
