Shillong, Nailur 23: Mynta ka sngi u bah Vincent H Pala MP na Meghalaya, MP na Assam ar ngut, wei MP na Tripura bad u wei u MP na Mizoram bad saw ngut ki MP na kane ka thaih sha tei lam mih ngi ka Ri India kila soi lang ia ka shithi kaba kila phah sha u myntri ka tnad shna surok ka sorkar pdeng u Nitin Gadkari ban shna pynbha noh ia ka surok National Highway- 6.
Ha ka shithi kila kdew ba katei ka surok bah number 6 ka dei ka surok kaba pyniasoh ia ka jylla Meghalaya, ka bynta ba shaithi jong ka jylla Assam, Tripura bad Mizoram, kumba ka long mynta kane ka surok kala siew sha ba palat kaba ki kali kila kylla wat hapdeng surok.
Kane ka jingsniew ka surok ym dei tang ba ka pynslem ia ka leit ka wan, hynrei kala pynduh ruh ia ki kali kiba iaid ha kane ka surok, kane kala wan rah ruh ia ka jingslem ban pynpoi ia ki marbam sha ki jaka kiba hap ban iaid na kane ka surok.
Ha ka shithi kila thoh ba ka sorkar pdeng ka dei ban pynbha noh mardor ia kane ka surok NH-6, dei ban pynheh ia kane ka surok ban iaid hynriew tylli ki kali, bad ba dei ban pynbha ia ka man ka por. Halor kane kila phah lang ruh ia ki dur ban pyniia ka jingsniew kane ka surok.
