Shillong, Iaiong 07: Mynta ka sngi ki paidbah khristan kila ia tuid sha iing mane ban pyndep ia ka jingleh niam ha kane ka sngi Thohdieng Bakhuid ban kynmaw ia ka jingshah sah narphna u trai Jisu.
Ha kane ka sngi la iohi ba ki iing mane naduh ka jingiaseng mynstep haduh ka jingiaseng shiteng sngi ruh ki iing mane ki dap da ki riew ngeit na ki balang khristan bapher bapher ha la ki jong ki jong ki iing mane kaba ki don.
Ha kane ka sngi kala don ruh ka jingduwai kyrpang na ka bynta ka jingiatylli ki khrsitan, ha satlang ka pyrthei, kala don ka jingduwai na ka bynta ki nongsynshar ha ka Ri bad ka jylla, ka jingduwai na ka bynta ki nongtrei balang.
Kane ka sngi Thohdieng Bakhuid ka dei ka jinglehniam kaba kyrpang kaba ki paidbah khristan satlak ka pyrthei ki kynmaw burom ia ka jingshah sah narphna u trai Jisu ban pynim ia ki khun bynriew katkum ka jinghikai khristan.
