Shillong, Nailur 02: Ka President jong ka Ri India ka Droupadi Murmu ha ka sngi pyndon burom ia ki nonghikai kan sam ia ka khusnam sha ki 75 ngut ki nonghikai kiba la shah jied na kylleng jong ka Ri India, ia kaba la tip kum ka “National Teachers’ Awards 2023 ha Vigyan Bhawan, New Delhi.
Na Meghalaya mynta u snem don u wei u nonghikai bala shah jied ban ioh ia katei ka khusnam, u babu Madhav Singh ba hikai hapoh jong ka skul Alpha English Higher Secondary School, Lumsohdanei Nongpoh kaba hap hapoh jong ka UmlingBlock ha Ri Bhoi District.
Ka Ri India kala buh ia ka 5th Nailur kaba dei ka sngi kha jong u Dr. Sarvepalli Radhakrishnan, kum ka “National Teachers’ Day”, kane ka burom kaba la ai ha u tri u riew khraw ka long halor ka jingnoh syniang jong ha ki kam hikai. Ka khusnam kaban ai sha ki nonghikai ka long ryngkat ka pisa kaba T.50,000/- tyngka.
Ka tnad School Education bad Literacy, Ministry of Education jong ka sorkar pdeng man la u snem ka juh pynlong ia kane ka jingpynkup burom ha ka sngi burom jong ki nonghikai, ha kane ka snem kaba mynta ka jngpynkup burom ia ki nonghikai la kynthuplang ruh ia kiba hikai ha ka ‘Higher Education and Ministry of Skill Development & Entrepreneurship’
Kiba shah pynkup burom myna u snem ki nonghikai ki long, 50 ngut ki dei ki nonghikai kiba hikai hapoh ka klass kaba shiphew, 13 ngut kiba hikai ha ki kyrdan kiba klass kiba khtwei bad khatar, bad 12 ngut kiba hikai ha ki jaka ai jinghikai ban pyntbt kyrpang ha ki jaitkam bapher bapher.
Ka jingai burom ia ki nonghikai ka long ban pynshlur shuh shuh ia ki nonghikai ha ka kam kaba ki don bad ia ki aplikoshon ban ioh ia kane ka khusam la leh da ka onlie bd ka sorkar pdeng kala buh ia ka kynhun kaba lait luid ban jied bad peit bniah mano ba dei ban ioh ia kane ka burom.
