Maligaon, Nailar 31: U General Manager jong ka N.F. Railway, u la ong ba kumba la bethah da u myntri ka sorkar pdeng ba dei peit ia ka tnad pyniaid rel jong ka Ri India u Piyush Goyal, ba u dei ban khat ia ka jingialang baroh ki MP ka NE kiba hap hapoh jong ka N.F Railway ha u Nailur ha Guwahati.
La ong ba u myntri ka sorkar pdeng ba dei peit ia ka tnad lynti rel u la thoh shithi da la de sha baroh ki MP jong ka Lok Sabha bad Rajya Sabha ba kin ia poi sha kane ka jingialang khang bakin lah ban ai jingmut ha kaba ia dei bad ki lynti rel ha ka jylla bad ka konstitwensi kaba ki mih khmat.
Kane ka jingkhot ia kum kine ki jingialang ka long ban pynlong ia ka polisi trei kam jong ka tnad lynti rel, ba ka thong ba ha khmat eh ka dei na ka bynta jong u paidbah. Na ka bynta kane ka jingialang la buh ia ki tarik, ha ka 7th, 12th, 8th, 24th bad 28th tarik bad ki jaka ban long kine ki jingialang ki long ha Rangiya, Tinsukia, Alipuduar, Katihar bad Lumding Division.
Kum ban shu kdew ba ka tnad pyniaid rel ha ka ri India kala don ia ka, Divisional Railway Users Consultative Committee(DRUCC) ba ka Zonal Railway Users Consultative Committee(ZRUCC ) bad kine ki juh ia kynduh na ka por sha ka por ban ia kren ia ki jingdon kam ha ki lynti rel.
