New Delhi, Iaiong 04: Mynta ka sngi u heh shipai ka Ri India u Chief of Defence Staff (CDS), u General Anil Chauhan u la leit ban jngoh ia ka kynhun shipai kaba don ha Chinar Corps ha Srinagar ha kane ka jingialeit ia khot ia ka jingialang ban ia kren bad kikam pahara ja u LoC ha ki bynta ba shatei jong ka Kashmir.
Ha kane ka jingialang la batai ia ka jinglong kiba la khreh ban iada ia u la u pud u sam katkum ka jukstad kaba mynta katba ha Baramulla, la batai ha u ia ka jingdon kam ia ki kor ki bor jong kane ka juk kaba mynta ha kine ki jaka.
Haba kren ha ki shipai jong ka Chinar Corps, u la ong ia ka jingkylla ka rukom ialeh thma ha kane ka juk kaba mynta ha kaba hap ban shim na ka jinglong kawei ka thymmai la hap ban pynbun ia ki rukom ia khun ia ka thma.
Kane ka juk kaba mynta ka jingiakhun ia ka thma ka long, na khyndew, na Suin, na Duriaw, lyngba ki bor Internet bad kiwei kiwei ki rukom ialeh katkum kane ka juk kaba mynta dei na kane ka daw ba hap ban pyntbit lyngba ki jingshah hikai na ka por sha ka por katkum ka juk kaba mynta ha baroh ki liang.
U Heh shipai u CDS u al ong ba dei ban don ia ka jingpruid dak ban ia khun pyrshah lada ka don kano kano ka jingialeh da kaba pyntbit ha ki juk tiar kiba mynta khang ban lah ban ialeh pyrshah lada don kano kano ka jingialeh bad dei ban long kiba la kreh ym lah ban buh teng.
U General Chauhan u la ai ka jingiaroh ia baroh ki shipai hala ki jong ki jong ki kyrdan kiba long kiba la khreh lada ka don kano kano ka jingshah pynwit jong ka ri ha kane ka jingleit la ia kynduh ruh ia ki ophisar sorkar kiba don ha Baramulla bad la ia kren kumno ban kyntiew ia ka ri.
