Shillong, Jylliew 04: U Dr. Ricky Andrew J. Syngkon la ong ba thong jong ka party Vocie of the People party (VPP) ka long ban pynthymmai, Pynneh ban pynkylla ia ka jylla Meghalaya, ia kane la kren ha ki lat pathai khubor ha dien bala pynbna ia ka jingjop ka jong u da u Returning officer ka 1-Shillong Parliamentary (ST) Konstitwensi.
Haba jubab ia ki jingkylli, u MP bala shah jied u Dr Syngkon la ong ba ha ka por ba ki leit sha u paidbah ban ialap elekshon la ong ba kila pynlait paidbah ia ka kular elekshon bad baroh ki long kiba kongsan.
La ong ba kum ka party kin ia shong lang ban ia kren bad kin sa peit kino ki mat kiba kongsan eh ka bin sa shim ia ka rai, kum ka party ka don iala ka jong ka jong ka nongrim bad shen kin ia sa ia shong ia ka jingialang.
Kum ka party kila trei shitom bad kila leit sha kylleng ki bynta jong ka konstiwensi ban pynshai ia ki paidbah bad mynta kila ai ka jingkyrshan ia ka party bad ki paidbah ki thrang ia ka jingkylla bad kane ka dei tang ka jingsdang jong ka jingkylla.
