Shillong, Nohprah 04: Ka seng samla madanrting ha ka 4 tarik nohprah 2024 ka la leit iakynduh ia u CEM ka KHADC u bah Pyniaid Sing Syiem halor ka jingioh ban thied jaka ki bar jylla ha poh ka shnong Madanriting.
Ha ka jingiakren bad ki nongthoh khubor u bah Nelson Kharkongor u President ka seng samla Madanriting u la pyntip ba kane ka dei ka sien ba nyngkong ba kum ka seng samla ka lap ba don kum kine ki jing ioh thied jaka be-aiñ hapoh jong ka shnong.
U la ong ruh ba ha kane ka jing ia kynduh bad u CEM ka KHADC ka long ban pynbor ia u CEM ka KHADC ba u dei ban leh eiei halor kane ka jingioh ban thied jaka jong kine ki barjylla hapoh u pud u sam ka KHADC.
U la ong ruh ba u lah buh ka jingkyrpad ia u cem ba kane ka jingioh ban thied jak jong kine ki bar jylla ka long ruh kum ka jingpynkheiñ ia ka Land transfer Act jong u snem 1972.
