Shillong, Kyllalyngkot 03: U wei na ki nongshong shnong ka West Garo Hills District la leit ban ujor sha ki pulit ka Tura ba kawei na ki dukan shna ksiar Ujjala Jewelers ba ka long trai da u Biswajit Tapadar kala khang khyrdep mynta la ar bnai.
Ha ka jingujor ha u 14/ Nailar/2023 la leit ban ai haka dukan ia ki ksiar ka kurim jong u kaba khia kumba 8.880 gram ban phah shna, ha ka 14/Nailar/2024 la leit ban ai ki khadu ban phah shna ka ksiar kaba khia 10.020 gram bad ka pisa T.22,000/- ka bai shna.
Katkum ka jingiakut u bania ba shna ia ka ksiar bad u ba phah shna ia ka ksiar la ia kut ban pyndep ia ka jingshna ha ka 29/Risaw/2024, naduh katei ka sngi katei ka dukan shna ksiar haduh mynta ka dang khang khyrdep.
