Shillong, Rymphang 18: Hadien ka jing ieh noh kam ki nongkitkam ka Seng Congress ha Ri Bhoi district, mynta ka sngi naka liang ka All india Congress Committee kala phah da u wei u nongpeit pyrman u Sangathan Srijan Abhiyan ban ban jied iaki nongkitkam ka Seng Congress hapoh ka District.
Ha kane ka sngi la iadonlang naduh u peit pyrman naka AICC u John Richard Lobo nangta u Jonathan syiem u Adhoc President ka Seng Congress u Bah Rocky Marwein lem bad ki nongkitkam ka Seng Congress na ka jylla.
Ha kane ka sngi u nongpeit pyrman u la ai ti ruh da ka Applikoshon ba president ba shipor ka Seng Congress u bah Rocky Marwein ha Ri Bhoi District ban peit ia ka kam katba ym pat ioh ia ki nongkit kam ba pura ha ka district.
Haba kren sha ki lad pathai khubor u John Richard Labo u la ong ba u wan mynta ka sngi shane sha Ri Bhoi District ka dei ban jied ia ki nongkitkam ka Seng Congress bad ban ioh jingmut naki paidbah ba iano ki i shan khmat ban long u President jong ka District.
U la ong ruh ba un leit sha baroh ki san tylli ki Constituency jong ka District Ri Bhoi ban ioh jingmut naduh ki longkmie longkpa bad ki khun samla ban pynkhlain iaka Seng Congress kumba ka long haki snem kiba la leit.
Na ka liang ka AICC bad kum u Observer ruh kim nym lah ban treikam khlem ka jing ia shim bynta lang ki paidbah naduh ka Grassroots level bad shaduh ka District Level bad u la kyrpad ruh iaki paidbah nongkyrshan jong ka Seng Congress ban kin kyrshan lang iakane ka Sangathan Srijan Abhiyan khnang ba kin ioh bad jied iaki nongkitkam ka Seng Congress kiba pura.
