Shillong, Rymphang 27: U bah Samuel Wahlang Pahsyntiew u dkhot ka seng HNLC ba dei na ka shnong Umpohwin Ri Bhoi District ula leit ban pyndem hakhmat u Superintendent ki pulit ha Eastern West Khasi Hills District ha ka 25/02/2026.
Kane ka jingwan pyndem ka jong u ka long ha ka jingiadonlang kiba haiing hasem bad ki heh pulit na ka district, na ka liang jong ki pulit kila ong ba u lah ban dei uba don kti ha ka jingpynbthei bom ha ka 09/03/2024 ha Iewmewlong.
Ha ka jingtohkit ki pulit la iathuh ba kila pyrshang ban khroh iaki samla ryngkat ki dkhot ka HNLC kiba don ha Bangladesh ban pynrung ia ki sha kane ka seng beain ha kine ki snem ba la dep.
Na ka liang ki pulit ki la register da ka ejhar pyrshah sa ki arngut kiwei pat kiba la buh bom ha iewumsning ha ka 12/10/2025 ia kaba la lah ban pynlip noh bad ka jingtohkit haba iadei bad kane kala dang iaid shakhmat.
