Shillong, Rymphang 28: Mynta ka sngi ka Jaintia Student Union kala ong ba ka jingpyrshang jong uwei na ki nongmihkhmat ban pynjah ia ka ktien Jiantia kala wan rah ia ka jingsngewsih namar ba ka ktien Jiantia kala don naduh ki por kulom kumah kaba laneh haduh mynta ki sngi.
Na ka liang ka JSU kam shym la wanrah ia ka jingiapher jaitbynriew hynrei ngi ia long shipara na ka liang ki nongialam ka seng, kila kren shai ba la ioh ia ka Jaintia Hills Autonomous District Council bad naduh ka por jong ka sorkar Assam la don ia ka jingthmu ban don ia ka District Council bad ha ka por bala ioh ia ka jylla kaba pura la pynskhem ia ka Jaintia Hills Autonomous District Council.
Ki Jaintia ki don la ka jong ka khana pateng, ki don la ka bor treikam hynrei baroh ki long shipara kumta na ka liang jong ka Jaintia Student Union ka kyntu jur ia kano kano ka kynhun seng sain pyrthei, seng niam ne seng bhalang wat kren klumar ia kano kano ka kynhun jaitbynriew lada phim tip ia ki histori namar ka ktah ia ka jingsngew jong kata ka jaitbynriew.
