New Delhi, Naitung 31: Ka Union Public Service Commission ka la phah ia ka jingpan jingpynsha sha ka Puja Manorama Dilip Khedkar, kaba la ioh lad ban ialeh ia ka Civil Services Examination-2022 (CSE-2022) ha ka 18 tarik u 2014 kaba la shim ia ki lad ki ba la palat u pud kumba la kdew ha ki kyndon Examination Rules da kaba thok ba ka dei mano.
Ka la dei ban phah ia ka jubab jong ka sha ka UPSC shuwa ka 25 tarik u Naitung, 2024. Hynrei ka la pan por shuh shuh haduh ka 4 tarik u Nailar, 2024 khnang ba kan ioh lum lut ia ki kot ki sla ba donkam ba kan ai ka jubab jong ka.
Ka UPSC ka la peit bniah ia kane ka jingkyntu jong ka Puja Manorama Dilip Khedkar bad khnang ban poi sha ka hok, la ai por ia ka haduh ka 3:30 baje nohphai sngi jong ka 30 tarik u Naitung, 2024 ban plié lad ia ka ban ai ka jubab jong ka sha ka SCN.
La kren shai ruh ia ka Puja Manorama Dilip Khedkar ba kane ka dei ka lad ba khatduh ia ka bad yn ym ai por shuh shuh palat ia kane ia ka. La batai shai ruh ia ka ba lada ym ioh ka jubab shuwa ka por ba la buh.
Ka UPSC kan shim ia ki sienjam bad kan ym sngap shuh ia kaei kaei kaba wan na ka liang jong ka. Wat ba la ai por shuh shuh ia ka, kam shym la phah ia ka jingbatai jong ka hapoh ka por ba la buh.
Ka UPSC ka la peit ia ki kot ki sla ba don bad ka la lap ba ka la pynkhein ia ki kyndon CSE-2022 Rules. La weng ia ka lad jong ka ban ialeh ia ka CSE-2022 bad la khang shirta ia ka ban ialeh ia kano kano ka Eksam and Selection jong ka UPSC nangne shakhmat.
Hapdeng kane ka case jong ka Puja Manorama Dilip Khedkar, ka UPSC ka la peit bniah ia ki jingtip ba don shaphang palat 15,000 ngut ki samla kiba la ioh lad ban ialeh ia ki CSE naduh u snem2009 haduh 2023 kaba mut 15 snem ha kaba iadei bad katno sien ki la pyrshang ia kane ka eksam.
Hadien kane, lait na ka case jong ka Puja Manorama Dilip Khedkar, ym shym la lap iano iano ba la tam ia u pud ban pyrshang ialeh eksam katkum ki kyndon CSE Rules.
Ha kane ka jingjia ia ka Puja Manorama Dilip Khedkar, la bud ia baroh ki kyndon jong ka UPSC kam shym la lap katno sien ka la pyrshang ia kane ka eksam namar ba ka la pynkylla ia ka kyrteng jong ka bad ka kyrteng jong ka kmie bad u kpa jong ka. Ka UPSC ka dang pynkhlain shuh shuh ia ka SOP ban pynthikna ba kum kane kan ym jia shuh nangne shakhmat.
Ha kaba iadei bad ka jingai ia ki syrnot ba thok (khamtam kaba iadei bad ka jinglong OBC & PwBD) ka UPSC ka pynshai ba ka rukom peit jong ka ia kine ki syrnot ka dei tang ban sngewthuh ba ki wan ne em na ki bor ba dei ban ai ia kine, ka syrnod ka dei na uno u snem, ka tarik ba la ai ia ka syrnod, don ne em ka jingpyndap bad ka jingthoh biang ia ki jingtip ba la ai ha ka srynot, ka rukom long jong ka syrnot bad kiwei kiwei ki kam.
La pdiang ba ka syrnot kam dei kaba thok lada la ai da ka bor ba dei ban ai ia kane. Ka UPSC kam don ia ka bor bad kam lah ban peit bniah ia man ki syrnot ba ai da ki samla man u snem. Hynrei, la shim ba ia ka jingpeit bniah bad jingpynshisha ba ka syrnot kam dei kaba thok la pyndep da ki bor ba dei ban peit ia kane ka kam
.
