Shillong, Jylliew 20: Mynta ka sngi ka North Eastern Hills University (NEHU) kala weng kam noh shipor ia u Prof. Nirmalendu Saha ha dien bala u shah kem ha ka kynhun tohkti ka sorkar pdeng ka CBI kaba la bat ia u 48 kynta.
Ha ka kyrwoh kaba la phah mynta ka sngi na skul bah NEHU la pynsangeh noh na ka kam shipor ha dien bala ioh ia ka jingpyntip na ka kynhun tohkit ka sorkar pdeng ka CBI, ka NEHU ruh kala shim ia ka rai ban weng kam shipor ia u Pro. Saha la ong ka kyrwoh kaba la phah da u nongai khubor ka NEHU.
Ka CBI kala kem ia u Pro. Saha ha ka 12/6/2025 na iing basa jong ka NEHU ha Guwahati ha kaba kila kam ba kila kem ha ka por ba dang kner ban shim ia ka pisa T.3.43 lak tyngka na u wei u nongkhaii Pranjal Sharma na Beltola, Guwahati.
Na ka liang ka CBI mynta ka dang lum dangling shuh shuh ia ki sakhi satar ha kaba ia dei bad kane ka jingiasiew pisa ha kaba ai ia ki kam kontrak bad ka jingtohkit ka long ruhban lap ioh ba dang don sa kiwei ki riew shimet kiba don kti hakane ka jingshah kynnoh bam sap.
