Shillong, Niwieng 17: Ka Khasi Hills Autonomous District Council ha ka jingpynbna n kaba la pynmih ha ka 20/10/ 2023 ka la thung ia ka “Delimitation Committee” ha ka ban pynkhreh ia ka Delimitation Bill ha ka ban peit bniah ia u pud sawdong jong ki constituency ki baha poh ka KHADC.
kumta ka ne ka Committee mynta ka sngi ka lah ioh ban wan bai a kynduh ia ki nongthoh khubor ha poh Shillong Press club ban ai ka jing pyn tip sha ki paidbah bad kum juh ruh sha ki nong ialam shnong ki ba kynthup naduh ki rangbah shnong, ki sordar shnong, ki myntri bad kumjuh ruh ki Syiem ban kin wan sha ka public hearing kan ban sa long ha ki district bad sub division.
Ha ba kren sha ki lad pathai khubor na ka liang u Dr S Kharsyiemlieh u ba dei u Chairman jong kane ka committee u la ong ba na ka liang ka committee ka la buh ia ka jing kyrpad ia ki paidbah ba kin wan sha kane ka public hearing khnang ba na ka ling ka committee kan ioh ban sngap ia ka jing ai jing mut na ka liang ki paidbah bad kumjuh ruh na ka liang ki nong ialam shnong.
Kumta na ka liang ka committee ka la pynbeit ba ha ka 21 tarik bnai ba 11 ka public hearing kan long District Council Office Mawkyrwat na ka bynta ka South West Khasi Hills District, ha ka 24 bnai ba 11 yn pynlong ha Mairang circuit house na ka bynta ka Eastern West Khasi Hills District.
Ha ka 28 tarik yn pynlong ha poh KHADC office na ka bynta ka East Khasi Hills District ki ba kynthup tang na Sohryngkham, Mawkynrew, Nongkrem, Langkyrdem – Laitkroh, Nongshken bad Mawsynram, ha ka 1 tarik bnai ba 12 yn pynlong ha Sohra Cuircuit house , ha ka 6 tarik yn pynlong ha District Council Nongpoh na ka bynta ka Ribhoi District.
Ha ka 13 tarik yn pynlong ha KHADC office na ka bynta ka Mylliem, Laban -Mawprem, Nongthymmai, Laitumkhrah – Malki , Mawkhar – Pynthorumkhrah, Jaiaw, Mawlai, Mawphlang – Diengiei, bad Nongspung, ha ka 15 tarik yn pynlong ha District Council Office Nongstoin na ka bynta ka West Khasi Hills District.
Ia kane ka public hearing la buh por ban pynlong ia ka naduh ka por 11 baje mynstep ha duh ka por 4 baje janmit ha baroh ki ja ba yn pyn;ong ia kane ka hearing. Ia kane ka committee la khlieh da u Dr S Kharsyiemlieh kum u chairman, u bah M Kharkrang kum u secretary, ki member ki ba kynthup ia u Dr S L Marbaniang, Dr DRL Nonglait bad ka kong R Myrboh.
