Ym plie u myntri khynnah ia ka jingialang kaba 58 na ka bynta kiban sa shongthiat

New Delhi, Nohprah 27: U myntri khynnah ka sorkar pdeng u Dr. Jitendra Singh un sa plie ia ka jingialang kaba 58^th na ka bynta ki nongtrei ka sorkar pdeng ki ban sa shongthiat na ka kam ka ban long ha ka 29/12/2025 ha Pune ka jylla Maharastra, kane ka jinghikai ka long ba kumno ban leh haba la shongthiat na ka kam.

Kane ka jinghikai ka dei kaba u myntri rangbah duh ka Ri India u kwah ban ai ka jingmyntoi na ka bynta kito ki nongtrei sorkar kiban sa shongthiat, kane ka long ban pynsuk ia ki ba kin ioh ia ki jingmyntoi haba kila shong thiat na ka kam, ban tip kumno ban pyndon kam ia ka Integrated Pensioners Portal, Family Pension, CPENGRAMS, ANUBHAV bad  Digital Life Certificate bad kiwei kiwei yn sa hikai.

Ha kane ka jinghikai la antad ba kin don kumba 350 ngut ki ban sa shong thait  na ka kam hapoh kine kiu 12 bnai ban sa wan, kane ka jinghikai kan iarap ia ki bad ha kane ka jinghikai kin don ruh haduh 11 tylli ki bank ki ban sa wan ban ia shim bynta ban pynshai kumno kin siew ia ka baibam tynmen ka jong ki.

Ka jingthmu  jong kane ka jinghikai ka long ban pynsngewthuh sha kiba trei sorkar ba kin tip ia ki rule ki kyndon kiba ia dei bad ka baibam tynmen bad ha kane ka jingialang ym sam ia ki jingtip sha baroh kiba wan ban ia shim bynta ban tip ia ki kyndon haba ia dei bad ka baibam ba kin ioh ynda kila shongthait.