Guwahati, Lber 05: Ka Ri India ka la shim ia ka sienjam kaba nyngkong ha ka jingpyniaid ia ki lieng ha ka por ba u Myntri ka Tnad Ports, Shipping and Waterways (MoPSW), u Sarbananda Sonowal u la buh ia ki mawnongrim na ka bynta saw tylli ki jaka pynthaba sharakha shilynter ki rud jong ka wah Brahmaputra, kaba long ka sien kaba nyngkong ba yn buh ïa ki jingdon jingem ba iadei bad ka jaka pynthabasharakha ki lad ka leit ka wan lyngba ki jaka shong um ha ka ri.
Ia kane ka jingialang, kaba la pynlong ha LachitGhat, Guwahati, la pynlong lang da ka Directorate General of Lighthouses and Lightships (DGLL) bad ka Inland Waterways Authority of India (IWAI), hapoh ka jingpeit jong ka Tnad Ports, Shipping and Waterways (MoPSW).
Ki saw tylli ki jaka, ka Bogibeel ha Dibrugarh District, ka Pandu ha Kamrup (Metro)Ditrict, ka Silghat ha Nagaon District, baroh shilynter ka rudwah kaba shathie, bad ka BiswanathGhat ha Biswanath District, kaba tang kawei ha ka rudwah kaba shatei, ki don ha ki jaka ba kongsan tam ha shilynter ka Brahmaputra.
Kawei na ki corridor kiba kongsan tam jong ka India kiba iadei bad ka jingkit ia ki mar bad ki kam ka leit ka wan jong ki briew.Ka jinglut jingsep jong ka projek barohna ka bynta baroh saw tylli ki jaka pynthabasharakka long kumba T.84 klur. Kawei pa kawei ka jaka pynthabasharakkan kiew haduh 20 meter ryngkat bad ka jingjngai jong ka jaka kaba 14 nautical mile bad ka jingshai kaba 8–10 nautical mile, kaba la pyndonkam pura da ka bor solar.
Nalor ki lad pynïaid lieng, man la ka jaka kan don ïa ka museum, amphitheatre,jaka bam, ka jaka ïalehkai jong ki khynnah, ka dukan die souvenir bad ki jaka paidbah ba la pynitynnad, da kaba buh ïa kawei pa kawei ka jaka pynthabasharakkum ka jaka jngohkai pyrthei bad kumjuh ruh ka jingdon jingem kaba treikam kaba iadei bad ki kam duriaw.
Ka jingpyntreikam ia ki jaka pynthabasharak ha ki wah ha NW-2 kadei ka jingtrei namar ka jingkiew kaba 53 percent ha ka jingpynkit mar bad ka jingleitjingwan jong ki briew ha ka Brahmaputra waterway ha u snem mang tyngka 2024–25, kumba lap da ka IWAI.
Ka jingkit mar ha ka NW-2 ka la nang kiew bad ka Brahmaputra corridor mynta ka long kaba kongsan ha ki jingpynpoi mar kiba ai jingshakri ia ki karkhana slasha, dewiong bad sboh jong ka Assam, nalor ka jingkit ia ki nongleitnongwan bad ka jingbun ki nongjngohkai pyrthei.
Ki jaka pynthabasharak kiba thymmai kin iarap ïa ka jingïaid lynti kaba shngaiñkaba baroh arphew saw kynta, kin don ki sensor kiba peit ïa ka jinglong ka suiñbneng bad kin pynbiang ïa ki jingdon jingem kiba iarap ha ka leit ka wan kiba donkam na ka bynta ka jingkiew kaba iainehna ka bynta ka jingpynkit ia ki mar bad ka jingleitjingwan jong ki briew lyngba ka wah.
Hapoh ka jingïalam ba ai mynsiemjong u Myntri Rangbahduh ka ri, u Narendra Modi, ki lad ka leit ka wan lyngba ki jaka shong um kim dei tang sa kawei ka lad ki bym kynthup ia ki surok bah bad ki lynti rel hynrei la pynkhlaiñ bad pynkup bor ruh ia ki ba kin long kiba kyntiew ia ka ïoh ka kot.
Ban pynkit shi ton ia ki mar lyngba ki jaka shong um ka jinglut jingsep kalong tang khyndiat haba ianujor bad ka jingkit lyngba ki surok, ka pynmih tang khyndiatka carbon, bad ka pynlaitluid ia ki surok bah na ka bynta ki briew bad ki mar kiba hap pynkitkyrkieh.
Kine ki jaka pynthabasharakha ka wah Brahmaputra ki long ka jingpyni ia ka jingthmu: ba ki wah jong ka India ki plie lad na ka bynta ka kam khaii, baroh arphew saw kynta,” ong u Sarbananda Sonowal, Myntri ka Sorkar Pdeng ba dei peit ia ka Tnad Ports, Shipping and Waterways (MoPSW).
Ha kane ka jingialang buh mawnongrim la iadon lang u Ranjeet Kumar DassMyntri ka Tnad kam jngohkai pyrthei, Sorkar Assam; CharanBoro, Myntri ka Tnad Transport,Sorkar Assam; JayantaMallabaruah, Myntri ka Tnad Public Health Engineering, Sorkar Assam; BijuliKalitaMedhi, Member of Parliament, Guwahati; badSiddhartha Bhattacharya, MLA, East Guwahati. Ki heh ophisar kiba iadonlang ki kynthup ia u Vijay Kumar, IAS, Secretary, Tnad Ports, Shipping and Waterways, Sorkar India badN. Muruganandam, Director General, DGLL.
“Ki lad ka leit ka wan lyngba ki jaka shong um ki ai ka jingmyntoi kaba khraw ha ka jinglut jingsep. Ka jinglut ha ka jingpynkitshi ton ki mar da ki lad ka leit ka wan lyngba ki jaka shong um ka shongdor shi bynta na ka lai bynta jong ka jingpynkit lyngba ki surok bad shiteng da ka rel.
Na ka bynta ka thaiñ kum ka thaiñ shatei lammihngi jong ka India, ha kaba ki jingdon jingem ba iadei bad ki surok ki don hapoh ka jingban khia namar ka jingbun ki kali bad ka jinglong jong ka jaka, ka jingpyntreikam ïa ka Brahmaputra kum ka freight corridor kaba pura kalong kaba donkam bha.
Mynta la slembha ba ka Congress kam shym la peit ia kane ka kam, kaba la ialam sha ka jingduna ha ka jingpyndonkam ia ka jingdon jingem kaba heh tam jong ngi kaba dei ka Brahmaputra. Hapoh ka jingialam jong u Myntri Rangbah duh Modi, ka la don ka jingpyrshang kaba heh ban shim ia kane ka kabu bad pynkylla ia kane ka wah kaba khraw kum ka nongkit ba shisha ia ki jingkyrmen bad ki jingangnud jong ka Assam. Ha kaba iadei bad kane, ki jaka pynthabasharak ha ki wahkilong ka jingsaindur ba kongsan jong kane ka jingpyntreikam,” la bynrap u Sonowal.
La pyrkhat ban sdang ia kane ka projek hadien ka sienjam jong ka Ophis jong u Myntri ban peit ia ki lad ban shna ia ki jaka pynthabasharakha ki wah ha ka thain shateilammihngi. La iasoi ia ka Memorandum of Understanding (MoU) hapdeng ka IWAI bad ka DGLL ha ka 8 tarik Iaiong, 2025, kaba kynthup ia baroh saw tylli ki jaka.
La aiti ia ki jaka sha ka DGLL hapoh ki ki jingiateh Right of Use ba la pyntreikam ha u bnai Jylliew 2025, hadien ka jingtyrwa ba la ai sha Central Advisory Committee for Aids to Navigation. Ia kawei pa kawei ka jaka pynthabasharak ha ki wahla buh por ban pyndep hapoh 24 bnai naduh ba la ai ia ka kontrak, hadien ki jingpeit bniah.
“Katba ka leit ka wan lyngba ka NW-2 ka nang kiew, ki jingmyntoi kin nang kham bun ka nang duna ka jingpynmihia ki jaboh, ka jingduna ka jingjulor ki surok, duna ka jingiatyngkhuh ki kali, bad ki lad pynbiang mar kiba kham biang na ka bynta ka thain shatei lammihngi. Ki jaka pynthabasharakkin pynshngain shuh shuh ia ki lad ka leit ka wan lyngba ki jaka shong um ha ka por mynmiet, kaba weng noh ïa ka jingeh ha ka leit ka wan baoharphew saw kynta,” bynrap biang u Sonowal.
Ka Directorate General of Lighthouses and Lightships (DGLL), hapoh ka Tnad Ports, Shipping and Waterways, kadei ka bor kaba dei ban peit ia ka jingpynbiang ia ki jingiarap ia ki lad ka leit ka wan ha ki 11,098 km jong ki jaka khapduriaw bad ki jaka shong um hapoh ka ri.
Ka Inland Waterways Authority of India (IWAI) ka pyniaid bad kyntiew ia ki rynsan ka leit ka wan jong ka India lyngba ki jaka shong um kiba don palat 20,000 kilomitar, ka jingpeit ia ki jingdon jingem, ki terminal bad ki kam pyniaid lieng kiba plie lad ia ka leit ka wan jong ki briew bad ka jingpynkit ia ki mar lyngba ki wan bad ki jaka shong um.
Ka NW-2 ka pyniasoh ia ka Dhubri jong ka West Bengal bad ka Sadiya ha Assam ba shalor lyngba ka jingjngai kaba lah ban iaid lieng kaba 891 kilomitar ka bynta kaba jrong tam kaba lah ban iaid lieng na kano kano ka lad ka leit ka wan lyngba ki jaka shong um jong ka ri kaba iaid lyngba ka jaka ba kongsan jong ka thain shatei lammihngi jong ka India.
Ki saw tylli ki jaka pynthaba sharak ha ki wah ki dei ka jingsdang jong kaei kaba ka MoPSW ka batai kum ka prokram kaba kham iar ban pynbiang ia ki lad ka leit ka wan lyngba ki jaka shong um jong ka India da kijuh ki lad jingïada ha ka jingïaid lynti kiba ju don ha ki khap duriaw jong ka.
