Shillong, Rymphang 28: U Myntri Sorkar Pdeng ba dei peit ïa ka Tnad Social Justice and Empowerment, Sorkar India, u Dr. Virendra Kumar, un wan jngoh ia ka jylla Meghalaya naduh ka 1 tarik haduh 3 tarik Lber, 2026, ban peit bniah ia ki prokram bad iakren bad kito kiba don bynta ha ka kam ha kylleng ka East Khasi Hills district.
U Myntri Sorkar Pdeng un pyniaid ia ka prokram ha Composite Regional Centre for Skill Development, Rehabilitation and Empowerment of Persons with Disabilities (CRCSRE), Shillong ha ka 1 tarik Lber, ban peit bniah ia ki kam jong ka bad ban iakren bad ki ophisar bad ki nongioh jingmyntoi.
Ha kane ka jingwan jong u, u Dr. Kumar un leit jngoh ruh ïa ki jaka pule ba la jied, ki jaka sumar, ki jaka ai jingsumar ia ki nongdih drok, ki jaka ai jingsumar ia ki khynnah bad ki projek ba iadei bad ka imlang sahlang ha East Khasi Hills district. Yn pynlong ruh ïa ka jingialang peit bniah ha ka District ban bishar bniah ïa ka jingpyntreikam ïa ki skhim jong ka Tnad Social Justice and Empowerment bad ki sienjam ba ïadei bad ka bha ka miat ha ka Jylla.
Ka jingthmu jong kane ka jingwan kadei ban peit ia ka jingtreikam jong ka Centre bad ki sienjam ba dang iaid shakhmat jong ka na ka bynta ban kyntiew ia ki sap, ka jaka ai jingsumar bad ban pynkupbor ia ki briew kiba don jingduna ha ki dkhot met ha ka thain.
