Shillong, Jymmang, 02: Ka Central Executive Committee (CEC) jong ka Khasi Student Union (KSU) ha ka jingialang kaba la long mynta ka sngi ha ophis jong ka ka la ai por ia ka sorkar 24 kynta ba kan pynlait noh ia ki ar ngut ki dkhot kiba la kem da ki pulit.
U Bah Daniel Khyriem president jong ka seng haba kren ha u SP News Agency u la ong ba kane ka jingai por ka sdang naduh mynta ka sngi bad kan kut la shai ka sngi ha ka por san baje lada ka sorkar kam pynlait khlem kano kano ka jingteh kyndon ka seng kan sa shong biang ban ia pyrkhat kumno ban leh.
Kia r ngut ki dkhot jong ka KSU kiba la shah kem ha ki pulit ki long u samla Teiborlang Nongbri na Demseiniong bad u samla Johny Lyngdoh na Mawlai.Ka jingkem jong ki pulit ka long ba ki la suba ba kine ki ar ngut ki don bynta ha kaba pynkulmar ha laitumkhrah ha ka sngi iaid paidbah ka seng KSU.(SP News)
