Ampati, Nohprah 04: U myntri rangbah jong ka jylla u Dr Mukul Sangma u la ai ka jingiaroh ia ka seng trei mon sngewbha ia kaba la tip kum ka BAKDIL. Kane ka seng ka la ia trei lang bad ka sorkar ha kiba bun ki liang khamtam eh kai kam ban ai jingsumar ha ka koit ka khiah.
Na ka liang jong u myntri rangbah ka jylla u la ong ba na ka liang jong ka sorkar ka kwah ban dang ia treilang ha ki por ki ban dang wan ha ki ba bun ki liang namar ka jingtrei jong kane ka seng ka long kaba I tynnad bad ka sorkar kan dang iai bteng ia ka jingiatrei lang.
Ha kane ka juh ka sngi na ka liang jongt u myntri rangbah u la buh ia u mawnongrimb an tei ia ka iing sorkar kaba lah ban pyndon kam ha ki ba bun ki liang na ka bynta ban wanrah ia ka roi ka par ha kathain Salmanpara.
Ha kane ka jijgialang na ka liang jong u myntri u la ong ba ka sorkar ka kwah ban wanrah ia ki kam pynroi sha jan jong ki paidbah bad ban kyntiew ia ka ioh ka kot jong ki u la ong ba na ka skhim Integrated Basin Development and Livelihood generation Programme (IBDLP). Kan iarap shibun ia ki paidbah bakin kiew ha ka ioh ka kot.(SP News)
