Ai khublei bad sngew nguh paidbah ki 5 seng halor ka pakhang shnong

 

Jowai, Iaiong 20: Ki san tylli ki sengbhalang ka Ri Lum Jaintia ki ba kynthup ia ka SRS-EJH, AJYWO-CB, KSU-JHDU, HNYF-EJZ, FKJGP-KC, kiba la khot da ka pakhang shnong ba 24 kynta ha ka 16 tarik mynta u bnai ban pynbor ia ka NHAI bad ka sorkar Meghalaya ban maramot noh kloi kloi ia baroh ki bynta bala sniew jong ka NH 44, kata naduh Soomer haduh Malidor ki ai khublei bad ruh pynpaw ia ka jingsngewnguh kaba haduh katta katta ia baroh ki paidbah jong ka East Jaintia Hills District bad ruh na kiwei pat ki jylla jong ka thain shatei lam-mihngi jong ka Ri India halor ka jingkyrshan ba pura bad ka jingiasnohkti lang jong ki ia katei ka pakhang shnong jong ki kat haduh ba ka la long kaba jop bad ruh kaba iaid beit iaid ryntih khlem kino kino ki jingjia ba sngewsih.

Ki san seng ki ai khublei kyrpang ruh ia ki pulit jong ka EJHD kiba trei shitom miet bad sngi ha kaban peit ngor ia ka shongsuk shong sain ha ki  kynta jong ka jingpakhang shnong ha EJHD kat haduh ba katei ka pakhang shnong ka la long kaba iaid beit iaid ryntih khlem ki jingjia ba sngewsih bad ruh kaba lait na ki nongshim kabu ha ki kynta pakhang shnong.

Ki san seng ki ai khublei kyrpang ruh ia ka HANM Khliehriath Circle bad ruh ia ka JSM Central Body namar ka jingkyrshan ba pura jong ki ia katei ka pakhang shnong jong ki san seng.

Ki san seng ki ai khublei kyrpang ruh sa ia ki nongtrei sorkar kiba la iasnoh kti lang bad ka seng ha kitei ki kynta pakhang shnong jong ki.

U kyrwoh na ki san seng u la ong ba ki san seng kin ym shong kli kti hynrei shen kin sa ia kynduh biang ban pynbna ia kiwei pat ki program jingiakhih ba tyngeh jong ki lada jia ba ka sorkar kan dang iai kuman shi kuman kumne u kyrwoh na ki san seng.(SP News)

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet