Jowai, Jymmang 30: Ka KSU Laskeiñ Circle ka ai khublei ia baroh ki khynnah pule kiba pass iaka Exam SSLC bad HSSLC mynta u snem.
Ka seng ka kyntu ruh iabaroh ki samla pule naka thaiñ Laskeiñ Block bakin kiew shaphrang bad minot thop haka jingpule bad kiar naki kam sniew kiba bunjait ban iuhroit iaka jingpule bad ka imlang sahlang hi baroh kawei hynrei bakin nang trei shitom shuh shuh haki snem ban dang wan, bad ban long ruh ki samla kiba kloi ban kit khia naka bynta ka dawbah jong ka Ri bad ka jait bynriew Hynñiewtrep baroh ka wei.
Ka seng ka ong ba ki dei ban long ha baroh ki liang khnang ba kin long ki Khlur ba tyngshaiñ na kane ka thaiñ ha baroh ki ki liang bad haka juh ka por ka seng ka ai khublei ruh ia kito ki bympat poi sha ka thong bakin minot pat ha u wei u snem.
Ka KSU Laskeiñ Circle ka pyntip ruh bakan sam biang ia ka 2nd Academic Award sha ki samla pule ka thaiñ bawan shakhmat ha u ne u snem, iaka tarik yn sa pynbna pat hadien.
Kane ka long katkum ka kyrwoh bala phah da u Education Secretary KSU Laskeiñ Circle samla Garland Shadap Manner.(SP News)
