Shillong, Nailar 01: Ka Meghalaya Government Nurses Service Association (MGNSA) mynta ka sngi ka la ba ka la ai por ia ka sorkar 21 sngi ba ka dei ban pyndep ia jingthung kam ha ki post baroh kiba lait lymkumta kin shim da ka jingiakhih.
Ka kong B thabah haba kren bad ki nongthoh khubor ka la ong “Ngin sa pynlong ia ka jingsangeh treikam ba khlem buh por lada ka sorkar kam lah ban pyndep ban thung lut ia ki kam ba lait kumba 468 tylli “,
Ka Kong Thabah ka la iathuh ruh ba ia kane ka rai la shim ha ka jingialang jong ka seng kaba la long hynnin ka sngi.
“Ngim lah ban nym trei ne boycott namar ba ngi don ha ka kam
sumar”, la ong ka Kong Thabah.
Ka sorkar jylla ka dei ban thung kam ia baroh kiba lait kumba 468 tylli tam la katto katne por.”Ka jingthungkam dei ban ailad shwa ia kito kiba dep pule na ka bhah sorkar namar ba kane ka dei ka polisi jong ka sorkar jylla”, la ong ki nongkitkam ka MGNSA.
La iathuh ba ki la thaw ia ka Expert Committee ban ai jingmut sha ka sorkar halor ka jingpynkylla ia ka Meghalaya Nurse’s Service Rules, 2008.
Ki nongialam ka MGNSA ki la ong biang “Kane ka Expert Committee kan sa pynlong jingialang ha ka 8 tarik Nailar ban iakren ia kane ka kam”.(SP news)
