Shillong, Rymphang 02: U myntri rangbah ka jylla u Dr Mukul Sangma bad u Lat ka jylla u Dr K K paul mynta ka sngi kila phah ia ka khubor sngewlem sha kiba ha iing jong ka kong Silverine Swer halor ka jingkhlad noh ka jong ka.
Ha kane ka jingphah sngewlem na ka liang jong u Dr Mukul u la ong ba ka kong Swer ka dei ka nongprat lynti ha kiba bun ki liang bad ka long ka nuksa ia kiwei ha ki kam shakri paidbah.
U mytnri rangbah u la ong ba ha ka kyrteng jong ki paidbah ka jylla bad na ka liang jong u shimet ruh u phah ia kane ka jingsngelem sha kiba ha iing ha sem ai ka ka mynsiem jong ka kong Swer kan ioh shong thait ha bneng.
Na ka liang jong u Lat ka jylla u Dr K K paul u la ong ba ka kong Swer ka dei shisha ka long kmie kaba la trei ha ki kam bapher bapher bad ka la kam ia ki kam kiba bun ha ka jingshakri ka jong ka.
U la ong ba kane ka jingkhlad noh ka jong ka jylla ka la duh noh sa kawei ka riew khraw ai ba u blei trai kynrad un ai ka jingsuk bneng.(SP News)
