Ba sah dien ka thian Mawsynram ther ka UDP ia ki MLA Congress

Mawsynram Nohprah 28: Ki nongialam jong ka seng UDP ha ka jingialang kaba la long haU Bah Khraw Jyrwa u pynskhem ia ki nongkit kam ka UDP ban pynkhlain ia ka party ki la ther tyngeh ia ka jingleh bym salia jong u MLA ka Mawsynram ban shna ia ki surok kiba la sah teng mynta da ki phew snem ha kane ka thain.

Ka long ka thain kaba la bna bad pawnam ba ka long ka thain kaba jur slap tam ha ka pyrthei, pynban ka pawnam ha ka jingtyrkhong um. Kane ka long ka jingbym treikam ne ka jingbym iohi jngai lane ka jingbym kitkhlieh jongu MLA ban wanrah ia ka roi ka pat na ka bynta ka jingbit jingbiang ki paidbah nongshong shnong. Kumta, dei halor kine kiei kiei ka jingbym don ka jingkylla ha ka liang ka roi ka par.

Haba phai sha ka jinglong ki surok la i sangsot shisha namar ka jingbymleh eiei jong u MLA ban maramot ne pynbha ban pynsuk ia ka leit ka wan. Haba phai sha ka jinglong ka surok na Mawsynram sha ka thain Kynshluid, Thieddieng kaba la trei naduh ka snem 1973 ka dang sah shrah haduh mynta mynne bad ka surok Syntein kaba kpup ia san tylli ki shnong, ka Kenmynsaw, Kenbah, Jympiat, Domskhong bad Makaphan ba ka surok la sdang trei naduh ka snem 1974 ka dang khohreng tang da ki mawsiang ki maw tylli suda la kum ka wahrit ne ka tharia jong ka wahduid.

Lada phai lei lei ka jinglong ka surok na Mawkaphan sha kitei ki ar shnong kiba kham sha kjat kata ka shnong Kenmynsaw bad Kenbah kaba la shna naduh ka snem 2002 ka jinglong ka surok ka long thik kum ka lynti iaid jong ka wahrit ne ka thawria lane ka lynti iaid jong ka wahduid kaba la rngad noh ka wah.

Na ka liang ki nongialam jong ka Seng UDP ha ka jingialang kaba la long ha ka 20 tarik u Nohprah, 2012 ha ka shong Kenmynsaw ki la pynpaw ka jingdiaw kaba khraw haduh katta katta halor ka jingsahdien ka thain ha baroh ki liang. Ki la ther tyngeh pyrshah ia u MLA ka thain u Bah Pynshngain N Syiem u bym shym la leh ei ei wat tang khyndiat ne malu mala na kaei kaba u la kular ha ka por ialap elekshon ban kyntiew ia ka roi ka par  khamtam ban leh eiei ban pynbha ia ka surok kumba long lem kiweipat ki thain ban pynsuk ia ka leit ka wan hynrei haduh mynta ka dang khongreng tang ka ki mawsiang bad ki maw tylli kum ka lynti iaid jong ka wahrit.

Ki nongialam ka UDP ki la ther tyngeh ia ka jingleh bym suidniew bad bym kitkhlieh u MLA halor ka roi ka par. Ki la ong, haba shong kali ban wan sha kane ka thain ha ka jaka ba kin sngewsuk ka leit ka wan pynban ki don hapdeng ka jingsyier ia ka koit ka khiah namaw ka jinglong ka surok haba don hapoh kali la kumba kynthih jakoit-japieh halor ki mawsiang ha tharia jong ki wahduid.

Haba kam don ka jingkylla bad u MLA um shym leh eiei kumba u la kular ka long kaba shongnia ia ki paidbah kane ka thain ba kin phai khmat ban jied da uwei pat u MLA ha ka elekshon 2013 ka ban wan. Ki nongkren jong ka seng UDP ki la ther tyngeh ia u MLA ba mynta u la thok la shukor ia ki paidbah katei ka thain. Ki la ong.

U Bah Pynshngain ha ka por ialep elekshon u la kren bad phla ha man la ki jingialang ba lada ki paidbah ki pynkup bor, ka miej jong u ka dei ka miej jong u paidbah hynrei ka long pynban da khongpong ha kaba ka miej jong u ba la pynjop bad pynkup bor da ki paidbah ka kylla long ka miej lumspah ym ka miej u paidbah kumba u la kular bad kane ka jinglong ka la pawtyngkrein ka jingsahdien jong ka thain ha baroh ki liang.

Ki nongialam ka UDP kiba la wan pyniasoh ialade hadien ba ki la mih noh na ka Congress, ha katei ka sngi ki la ia ki paidbah ba kin ai ka jingkyrshan ia u kyrtong ka UDP u Bah Khraw Kupar Jyrwa ban ioh ia ka jingjop ba don burom ha ka elekshon 2013 ka ban wan.

Na ka liang u Bah Khraw u la takrain tyngeh ia ki kular khlein lathang jwat labam jong u MLA ba mynta uba la ieh bein bad bym don jingkitkhlieh ban wanrah jingkylli ha ka thain khamtam ka surok.(SP News)

 

What Next?

Related Articles

Leave a Reply

Submit Comment
*