Balei phah kem ia ki nongialam ka seng haba la dep ban ia kren ia suk:HANM

Shillong, Nohprah 05: Ka seng HANM central body ka pynpaw ia ka jingsngewlyngngoh kaba jur halor ka jingshahkem biang jong ki dkhot ka seng khamtam ka jingkem ki pulit nongstoinia u Liverpaul Kharbani,Chief Organising Secretary jong ka HANM West Khasi Hills District haka 3 tarik mynta u bnaina iingsah jongu kaba don ha nongstoin.

Katkum ka kyrwoh khubor ba la phah da ubah Rakesh R Marak Assistant Publicity Secretary HANM Central body u la ong ba ha ka 5 tarik jong u bnai ba la dep ka HANM sengkmie bad u DC jong ka West Khasi Hills u bah S Kharlyngdoh ki la iakren badei ban sangeh noh shisyndon ban kem bad kumjuh ruh ban thwet ia ki nongialam ka HANM west khasi hills bad kumjuh ruh ban pyllait noh ia kiba la sah kem mynshuwa kiba kynthup ia u Bah Arphul Kharbani President bad u Bah Gabriel Sohlang Finace Secretary HANM West Khasi Hills bad ha katei ka por ka seng ka la weng noh ia ka jingiakhih pakhang shnong hadien ka jingmynjur bad iakren sngewthuh bad u DC.
Hadien shisngi jong katei ka jingiakren ka sorkar ka la pyllait noh ia ubah Gabrielkatba ia u bab Arphul Kharbani la khmih lynti ba un lait noh na phatok mynta u bnai. Hynrei kaba sngewsih ba ki bor jong ka ain ki la dang kem ia u Chief Organising Secretary bad kumjuh ruh ki dang thwet ia ki nongialam jong ka seng.

Ha Kaba iadei bad kane na ka liang jong u President bah Lamphrang
Kharbani u la ong mar synioh jingtip halor kane hynnin ka sngi u la telephone ia u DC jong ka West Khasi Hills District bad u la buh jingkylli balei dang kem ia ki dkhot ka seng haba ha ka 5 tarik la dep iakren bad nym kem shuh. Hynrei na ka liang jong u DC u la iathuh ba um tip ei ei halor kane namar u dang leit shah eksamin ha ki doctor shabar na Nongstoin bad um don satia ha ka Nongstoin hynrei u laiohi ia kane lyngba ka khubor internet bad u lakular ruh ba un sa iakren bad ki bor pulit jong ka west khasi hills District.(SP News)