Ban wanrah jingsuk ha NE pynlong ka NSV ia ka jingiaid da ki Bike

Shillong, iaiong 19: Ban pynphriang ia ka khubor jingsuk ha ki jylla kiba don ka jingiakynad bad ruh ha ki jylla ba jur ki kam pyntriem, ka kynhun ki nongniah bike na ka Nort East Student Volunteers (NSV)Jorhat, ha ka sngi Balang ki la iuhkjat ha nongbah Shillong kum shi bynta jong katei ka prokram ialap jingsuk.

Katei ka kynhun hapoh ka jingialam jong u Dr. Woba James, uba dei u Head jong ka Department ka tnad History of Christianity, Jorhat, ka kynthup ia ki samla pule na ki saw tylli ki jylla ba kin iuhkjat, kata kynthup ia ka Assam, Meghalaya, Manipur bad Nagaland.

Ia katei ka jingleit ialap khubor jingsuk ne Peace Tour da ki bike la sdang ha ka 14tarik mynta ubnai na Boruah Char Ali bad kan kut pat ha ka 22tarik mynta u bnai hi ha Dimapur.

Haba kren bad ki lad pathai khubor, u Dr.Woba u la iathuh batei ka kynhun jong u ka la ia kren ruh wat bad ki kynhun pyntriem kiba pawnam jong ka Manipur, Nagaland bad Assam halor ka jingdonkam ban wanrah ia ka jingsuk.

`Ngi iohi ba don bun ki jingeh bad ki jingjynjar kynthup naduh ka jingkajia pud, ka jingban bein, ka jingpynkhein ia ka hok longbriew manbriew bad bun kiwei kiwei,`la  ong u Dr. Woba.(SP News)

Shuh shuh u la ong ba ka thain shatei lam mihngi jong ka Ri ka paw ruh kum kawei na ki thain ka bym ju don satia ka shongsuk. `Ki paidbah kiba sah mynta ha ka thai� ki la thrang shisha ban iohi ia ka jingsuk, ka jingieid bad ka hok,` u la bynrap biang.

Nalorkata, u iathuh ba ka thong ba hakhmat eh ba kum ka kynhun ki mih ban iaid kylleng ban pynphriang ia ka khubor jingsuk, ka jingiai shah bad ka shongsuk shongsain. Ban pynsngewthuh ia ka jingdonkam ban burom ia ka hok longbriew manbriew bad ruh ban ym ailad ba ka jingsngew pher jaidbynriew kan ioh jaka ha ka thain.

U Dr. Woba u iathuh ruh ba ha katei ka jingiaid lynti jong ki, bun ki paidbah ki kynnoh ruh ba ka jingbym don ka shongsuk shongsai� kadei namar ka jingdon ki riewshim kabu ha ka sainpyrthei.(SP News)

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet