Nongstoin, Naitung, 28:Ka Hynniewtrep People Social Organisation HPSO Unit Mawkynjoin ka pynpaw ia ka jingbitar kaba jur halor ka jingshahshoh ki briew jong ka KHADC ha ki bar jylla.
Balei ki seng bhalang ki shong kli kti, bad haba ong seng bhalang kaba mut ban iada ia ki bynriew Hynniewtrep mynta ki sngap pat, man ka por ki Khasi ki shah thombor ha ki bar jylla khamtam ha Langpih bad Ri-Bhoi kito kiba shong ha khappud bad mynta sa ha Shillong.
Lada ki briew jong ka ain kim lah ban kem ia kito kan sa wanrah ia ka jingia umsnam kaba jur ha jylla jong ngi. Ka jingleh jong ka KHADC ka long ban iada ia ki khun Hynniewtrep ngi ruh ngi iada kumjuh.
Ka seng ka maham jur ia ki bar jylla lada ki leh kumne ka seng kan ym shong kli kti lada jia kumne sa shisien pat. Ka Seng ka kyrpad jur ia ki briew jong ka ain ba ki dei ban kem beit bad pynshitom katkum ka ain la pynkut ka kyrwoh na u Samla Eklen Nongsiej, President Hynniewtrep People social Organisation Unit Mawkynjoin.(SP News)
