Ha ka 17tarik Iaiong, Ki nongshong iew hapoh ka Jingialam u samla LeaningradTariang(General Secretary KSU Laskein Circle) ki la beh da ka bor ia ki mynder ri kiba wan khaii beain hapoh jong ka iew Raliang.
Ki mynder ri ki la jyllei ha kane ka iew ba don nam bad lyngba ka jingwan jong ki, ka khaii pateng jong ki nongshong shnong ka elaka Raliang ka la hiar. Kumta ka seng ka la buh ka jingmana ia kine ki mynder ba kim bit ban rung bad khaii beain sha ki thain Elaka Raliang, naduh 2 bnai, mynshwa.
Tangba kim patiaw n’mar ba don ba kdup ia ki, kumta mynta ka sngi, ngi la ong ia ki ba kin lum kin lang ia ki tiar ki tar baroh bad leit phai noh sha ki shnong jong ki. La ai por ia ki ban lum hapoh 1 kynta bad mynta ki la leit noh’, la pynpaw u samla L. Tariang, General Secretary KSU Laskein Circle.
Ka seng kan leh da kaba tyngeh ia ki lada kim burom ia ka kyndon ba la buh da ki traimuluk kata ban ym wan khaii shuh khlem da ioh jingbit ha ki por ban dang wan.
‘Ka KSU Laskein Circle ka pynrem jur ia ka JHADC halor ka jingioh laitlan ki mynder ban tyrwa tiar, khaii jhur, kiwei khlem da ioh Trading license bad ki kot babiang. Myntoi aiu ban ong ka bor District council haba ka kam pat ym don. Katba nangmih ki sngi, katta ki mynder ki nang bun kaba la pynsyier haduh katta ia ki trai muluk. Lada ka JHADC, kam peit ia kane ka bynta, ka seng kan shim hi ia kane ka kam ban pynher krad ia ki”, la pynpaw ka kyrwoh na ka seng.
Ka KSU Laskein Circle ka kyrpad ia ki para thain ban iatreilang ban ym ailad ia ki mynder kin syaid ha ri jong ngi. Namar ki don ka jaka ban phet, ngi pat ngin ym don lada ki shim ia ka bor.(SP News)
