Nongstoin, Nailar 20: Ka jingshah thngan jong ki samla ba la pass ia ka eksamin DSC na West Khasi Hills District ha Nongstoin ka dang bteng haduh mynta ka sngi bad ha kane ka jingshah thngan u samla Shemphang Soh 30 snem u la shitom bad la rah ia u sha hospital.
U Bah Wantei president jong ka HPSO u ba don lang ban ia synran ia kitei ki samla u la ong ba ha ka por ba ka kali 108 ka la poi ban rah sha hospital ia u ba pang la lap ba u la dep buid bad ka kyrteng jong u ka dei u Bah Teibor Lyngdoh.
Halor jong kane na ka liang jong u ADC ka NOngstoin u la kular ba ki bor jong ka District kin sa leh ia kaba don kam. Na ka liang jong ki saw seng ki pynrem ia kum kane ba ki nongniah ia ki kali 108 kin buiad ha ka por ba ki don ha ka kam.
Kum ka jingkyrshah ia kitei ki samla na ka liang jong ki saw tylli ki seng ka HPSO, ka HANM, WPM bad ka WYWC ki la shim ia ka rai ban pynlong da ka jingiakhih pakhang surok miet ha ka 22 bad 23 tarik mynta u bani ban pynbor ia ka sorkar ba ka dei ban pynneh biang ia ka result jong ka DSC kaba dei jong u snem 2010.(SP News)
