Nongstoin, Nailar 19: Ki saw tylli ki seng bhalang jong ka West Khasi Hills mynta ka sngi ki lait ban ia kynduh ia u Deputy Commisioner jong ka District ban ia kren bad u halor ki samla kiba la pass ia ka examin DSC kaba ka sorkar kam shym pat thung kam ia ki.
Ha ka jingpynlait khubor mynta ka sngi ia kaba la soi da ki saw ngut ki nongialam ki saw tylli ki seng na ka liang jong ka HNAM la soi da u bah L P Kharbani, HPSO la soi da u bah Wanteibok Lyngdoh president ka HPSO, Reggei Thongni general secretary jong ka WYWC bad u Bah Kmenlang Mawsor jong ka seng WPM, ki la ong ba lada ka sorkar kam lah ban pynjlan ia ka por kin khot da ka jingiakhih.
Kine ki saw seng ki la ai por ia u Deputy Commissioner jong ka West Khasi Hills bay n pynshai la shai ka sngi ia kane ka kam bad lada ka sorkar kam leh ei ei kin ia kynduh biang la shai ka sngi ban ia kren biang.
Ha kane ka jingiakynduh na ka liang jong u Deputy Commissioner jong ka West Khasi Hills u la ong ba na ka liang jong ka jong u la dep thoh sha ka sorkar ha kaba ia dei bad kane ka kam bad kaba sah mynta ka long ha ka sorkar ban ai ia ka rai.(SP News)
