Shillong Nailar 01: Ka National Green Tribunal (NGT) jong ka Special
Circuit Bench ba dei peit ia ka Eastern Zone ka la tangon tyngeh ia ka sorkar namar ba ka committee kaba la thaw kam shym la lah ban pyndep ia ki jingbthah baroh katkum ki kyndon. Na ka bynta ban pynaiid ia u dewiong ba la dep sei na ki par ha kane ka jylla.
Ha dien ba la shim ia ka jingbishar na ka liang jong ka NGT kala bthah ia ka sorkar ba ka dei ban thung da kawei ka committee ban peit ia kane hapoh ka jingpeit jong u Additional Chief Secretaryba u ban long kum u Chairman. Kane ka committee ka dei ban pyndep ia kane ka kam hapoh artaiew.
Ka NGT ka la bthah ba kane ka committee kaba thymmai ka dei ban ai jingkhein kaba bniah bad ban batai ia ka jinglong jong u dewiong. La hokum ruh ba dei ban buh ar tylli ki khyrdop ban peit ha kaba ia dei bad ka jingshallan ia u dewiong. Kawei ban rung sha Bangladesh bad kawei sha Assam.
U Muktiar jong ka SC u Raj Panjwani u la ong ba ka rai jong ka NGT ban pynduh ia ka
komiti kaba rim da kaba thaw kaba thymmai ka dei kaba biang. U la ong ba ka jingiada ia ki kynja ba im ka dei ban wan nyngkong bad ia kiwei dei ban wan hadien.
Halor ka jingshalan ia u dewiong, u Panjwani u la ong, “hooid, phi don
ka jinglaitluid ban sei hynrei katkum ki kyndon ban iada ia ki kynja
ba im bad ym da ki jingmut barieh.
Ka NGT ha ka jingbishar mynshwa ka la kdew shai ba ka sorkar ka dei
ban buh ia ka pisa la kajong kaban ioh lum khajna na u dewiong uba la
dep sei lyngba ka jingshalan, khnang ban pyndonkam ia ka pisa na ka
bynta ban pynbha biang ia ki jaka ba la sei ia u dewiong. Ka NGT ka la
bthah ia ki Deputy Commissioner bad ki Superintendent of Police ban
pyntreikam ia ka hukum ban peit ban nym don ba pynkhein ia ka hukum.
Ka NGT kala buh por biang ba ia kane ka jingbishar kan sa shong biangha ka 7 bad 8 tarik u Risaw.(SP News)
