Dang sah kut ka tulop jong ki nonghikai deficit ha Treasury

Shillong iaiong 22: Ka tulop jong ki nonghikai skul Deficit kaba kynthup ia ka Arrear DA kaba 62 percent bad 70 percent kaba dei  jong u bnai Rymphang 2014 ka dang sahkut ha ka tnad Treasury ophis watla ha ka jingshisha na ka liang  ka ophis ka DSEL ka ladep pyllait ia ka shwa ka 31 tarik Lber 2014.

Katkum ka jingtip ba la ioh lum na ki nongialam ka KJDSTA, la iathuh ba ia katei ka tulop bad ka Arrear DA la lah ban pyllait sha ka jingthep sha ka Civil Deficit jong ka sorkar hadien ka jingkyrpad jong ka ophis u DSEO Shillong bad da ka jingiarap lem jong ka Treasury ophis namar kadei ka tulop bad ka bainong jong ki nonghikai kaba dei naduh u bnai Rymphang 2014.

Haba ki nongialam ka Association ki la leit ia kynduh hynne ka sngi Hatmajai ia u Treasury ophisar ban kyrpad ia u ba u dei ban pyllait noh kham kloi ia katei ka tulop, u treasury ophisar u la pyntikna ha ki nongialam ka KJDSTA ba la kumno kumno un pyllait noh sha ki bank ha ne shwa ka sngi Thohdieng ka 25 tarik mynta u bnai khnang ban pyllait na ka jingjynjar ba ki nonghikai ki la ia kynduh ha kine ki bnai.

Ka KJDSTA ka khmih lynti ba utei u ophisar ka treasury ophis un bat ia ka ktien kum u ophisar bashisha bad u ba don jingkitkhlieh ia ka kam. Lah ban pynkynmaw ba ia ka tulop ki nonghikai Deficit na ka bynta u bnai Rymphang 2014 la pyllait sha baroh ki District lait noh ka East Khasi Hills District.

Hynrei kaba lyngngoh ka long ba wat lada la dep pyllait ia ka naduh 31 tarik Lber 2014, hynrei haduh 22 sngi eiei mynta kam pat poi satia sha ki skul bad ka dang sahteng ha treasury ophis.(SP News)

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet