Shillong, Lber 05: U nongialam ka seng NPP u James K Sangma u la pynpaw ba ka long ka jingma ia ka jylla lada kane ka jingialeh election kan long da ka jingiatheh pisa bad da kaba pyndon da ka bor. U la ong ba ka election commission ka tip ia kane bad ka la pyrshang ban khanglad hynrei kam lah ban khang dam pat.

U ne u nongialam jong ka NPP u la ong ba kane ka jingialeh da ka bor bad da kaba pyndon kam ia ki lehnoh kan long ka jingma kaba khraw ha ka synshar paidbah. Ka sorkar ka dei ban leh ei ei ia kane lem kumta ka don ha ka jingeh kaba khraw ia ka jylla hi baroh kawei.

U la ong ba don ki bynta ha Garo Hills ba ki don ki kynhun kiba la byrthem da ka bor ba ki dei ban vote ia u kyrtong u ba ki kwah kane kam long shuh ka jingkwah jong ki paidbah hynrei la shu pynbor ia ki bad ha ka jingteing kim banse ban leh ia kaba kim kwah ki hap ban vote ia kaei kaba la ong ia ki.

Na ka liang jong ka sorkar ka hap ban phah tohkit ia kane ka bynta bad lada ka lap ba ka long kaba shisha ka dei ban shim khia ban peit ba ha ki por ki ban sa wan kam dei shuh ba jia kumba ka long mynta la ong u tei u nongialam jong ka NPP.(SP News)