Shillong,Jymmang 14: U MLA ka Sohra u bah Titos Chyne u
la ia kynduh ia u Myntri ka koit ka khiah ka jylla u bah A.L Hek ban
ia kren halor ka Community Health Centre (CHC) Sohra.
Ha katei ka jingiakynduh u MLA u la pynpaw ia ka jingdonkam kiba bun kiba donkam kyrkieh ha katei ka PHC, kum ka jingpynbha ia ki jaka thiah pang, ki jingbym biang ki tiar ki tar bad kiwei.
Na ka liang u Myntri ka koit ka khiah , u la kular ba ia ka iing kaba thymmai jong ka bynta ba nyngkong ( Phase 1) katei ka PHC yn plie noh ha ka taiew ba-ar u bnai ban wan, bad ha ka juh ka sngi yn buh ruh ia maw nongrim na ka bynta ban tei ia ka bynta kaba-ar ( Phase-II).
Na ka liang jong u Bah Titos Chyne u la iathuh ba ha katei ka jingiakynduh kila ia kren ruh ia ka jingdonkam doctor biang ha katei ka CHC, namarba
kumba ka long mynta ki doctor kiba la don kim pat biang na ka bynta ki
paidbah ka thain Sohra.
Ha kane ka jingialang na ka liang jong u Myntri ruh u la kular
ban buh Doktor biang ha katei ka CHC, bad kiwei pat ki jingdonkam
hadien ba la kut syndon ka elekshon MP.(SP News)
